Egiaz edo gezurraz harago, Katxonderstango Errepublika dago: deprimiturik eta oprimiturik gabeko lurraldea.

2020/05/20

Umore beltza Euskal Herriko hilerrietan





Agian, ez dira betiko garai onenak umore beltza egiteko. Edo bai.

Izan ere, agian, horrek eragiten digu barrea: Heriotza bere gordinean azaltzen zaigunean eta sozialki desegokia denean, heriotza eta umorea uztartzea.

Euskal Herrietako hilerrietan-eta ez da falta umore beltzeko adierazpenik. Honatx askoren bidez egindako bildumatxoa.



"Laster esango dute zuretzat orain esaten dutena neretzat: Il zan".
Errezilgo hilerria. Argazkia: Martin Kitto.




"Gaur ni, biar zu".
Gaintzako hilerria. Argazkia: Mikel Iriarte (@JoxeMiel2).





"Betiko biziaren asiera. Gaur ni, biar zu".
Orendaingo hilerria. Argazkia Dabid Argindarrek (@argindar)
bidalia foku.eus webgunetik.




"Ni gaur eta zu bihar. Ona ecarri biar".
Berrizko hilerria. Argazkia: Amaia Ugalde (@amai_ugal).




"Laster esango dute zuekatik gaur gugatik oi duten auxe: ¡¡Il ziran!!".
Oiartzungo hilerria. Argazkia: Maiana (@MaianaB88).



"Aiztoaren atzeguiña emen bukatzen da. Onaren poza emen asitzen da".
Tolosako hilerria. Argazkia: Juan Inazio Hartsuaga Uranga.



"Laster esango da zuengatik, esaten oi dana orain gugatik: ¡¡Il ziran!!".
Argazkia: Amaia (@Amaia_92).



"Oren guziek dute gizona kolpatzen azkenekoak du hobirat egortzen".
Sarako elizaren kanpandorrea.
Argazkia: Carlos Andrés (@CAndresUranga).


Orain ez litzateke horietako bakar bat jarriko, politikoki zuzenak ez direlakoan edo hilerriko hildakoen aurkako gorroto delitua delakoan...

Martin Kitto


OHARRA: Goiko argazkia liburu honen azalaren zati bat da. Marrazkia Unai Iturriagarena da.




iruzkinik ez:

Argitaratu iruzkin bat