Matxismoaren biktimak gizonezkoak ere badira? Josebe Iturriotzekin hausnarrean

Oiartzun Irratiko "Arma Txio Pum" irratsaioan matxismoari buruz gogoeta egin dugu, Josebe Iturriotzen laguntzarekin. Hemen entzun dezakezu.

Gogoeta hau eragin diguna Gara egunkarian irakurri dugun albiste lazgarri bat izan da.

Nola-halako itzulpen hau egin dut:

Orkoiengo bi hildakoak, krimen matxista baten ondorioz izan litezke

Bi gizonezko aurkitu dituzte Orkoinego etxebizitza batean, eta badirudi ikerketek krimen matxistaren hipotesia lehenesten dutela, bi gizonezkoek harreman bat izan zutelako. Kasua sumarioaren sekretupean dagoen arren, ematen du batak bestea hil zuela eta gero bere buruaz beste egin zuela.

Albistean "krimen matxista" hitzak erabiltzeak zer hitz egina ekarri du guasapeko talde batzuetan. Hona hemen gausap bidezko mezuetako batzuk (hitzez hitz jasota):

Ba ez dula zertik neska izan ber biktima eraso matxista izateko ez? Bikotekidia mutilla bada igual igual izan daiteke machismoa, ala pasa bada

Nere ustez gizon batek aurrian dakan pertsonai (igual nau gizona edo emakumia izan) umillatu, maltratatu, abusatu edo akatzen dunian bere maskulinitatia demostratzeko ya matxismua dela iruitzen nau.

Hitz jokuk etzaizkit gustatzen. Heriyotza baten aurrian gutxigo. Ze inportayo matxista eo es matxista, arrazoi edo ez. Biyak hilda daude ta eze jakin gabe kritikatze deu.

Definiziyo zehatza beituzkeo..emakume baten aldian superioritate bat erakusten duna da matxismua. Kasu hontan ezto emakumeik (weno, iwal hola sentitzen zen), pero beste modun batea definituko nuke kasu hau

Nik uste titularra arrunt oker daola. Biolentzia matxista ez da izan, sentimentala jartze bazun sikira. Bikote izan zian eta aiskalo zeatik, batak bestea hil eta bere buruaz beste in zuen

Dena den arrazoia ez dakiu. Bikote izana ziala bai baña geyo ezer Orduan, ze puntutaraino dan matxismoa edo zeinetaraino sentimentala?

Nik uste gauden gizartin ta mamatu dugunakin denak gala matxistak punto bat arte nahiz ta gure esku eon hoi aldatzia re bai(radikala sonatzeu biño egitan pentxatzeut)

Iritzi horiei guztiei buruz eta beste askori buruz hausnartu dugu Josebe Iturriotzekin, eta hau izan da emaitza.


Gainerakoan, eskertuko nuke saioaren iritziak emango bazenituzte, Twitterren #ArmaTxioPum traola erabiliz edo posta elektronikoz idatzita (martinkitto3@gmail.com).

"Arma Txio Pum" ostiralero 12:00etan ematen dugu Oiartzun Irratian, eta segituan jartzen dugu webgunean mp3an jaisteko eta entzuteko.

Martin Kitto

Txiokatu Jarraitu @martin_kitto