Egiaz edo gezurraz harago, Katxonderstango Errepublika dago: deprimiturik eta oprimiturik gabeko lurraldea.

2014/09/11

Eta Euskal Herrian metaforen bidezko erreferendumak egingo bagenitu?


 

Hasi da "ikasturte politikoa", eta ez dago politikan aditua izan beharrik jakiteko Kataluniako auziak garrantzi handia hartuko duela norgehiagoka politikoan.

Egingo al dute azaroaren 9an galdeketa/kontsulta/erreferenduma? Eutsiko al diote erronkari, nahiz eta Espainiako auzitegiek atzera botatzeko agindu? Zer gertatuko ote da? Ba al dago korapilo hori askatuko duenik?

Galdera asko eta erantzun gutxi dago oraingoz, baina nik gaurkoan Pere Cardus Kataluniako kazetariak proposatutako irtenbide umoretsu bezain irudimentsuari heldu nahi diot.

Izan ere, Perek umorean oinarritutako irtenbidea aurkitu dio Kataluniako kontsulta, erreferendum, galdeketa edo dena delakoaren auziari. Perek "Tu ja m'entens" formula proposatu du. Nik "Badakizu" erabili dut euskarazko itzulpenean.

Hona hemen irtenbidea:

[Kataluniako] Gobernuak edo Parlamentuak kontsulta egin dezake, baina soilik bere eskumenekoak diren gaiei buruz. [..] Hortaz, lege horiekin, ezin duzu zuzenean independentziari buruz galdetu.

[Horren aurrean] "Badakizu" formula erabil dezakegu. [...] Hauxe da ideia: Gobernuaren eskumenekoa den gai bati buruzko kontsulta egitea. Adibidez, erlezaintzari buruzkoa. Gero, adostuko genuke galderen erantzunak abenduaren 12ko akordioaren berdinak izatea. Hau da, galdera hau izan liteke: "Nahi al duzu Gobernuak aurreikusitako neurriak indartzea Asiako liztor harrapakaria hiltzeko?". Eta "Bai" erantzuten baduzu, bigarren galdera: "Nahi al duzu neurri horiek 2014. urtea amaitu aurretik hartzea?". Asiako liztorrari buruzko kontsultaren kanpainan, hipotesi politiko bakoitzak aukera emango luke berea defendatzeko.


Jatorrizko testua katalanez dago. Itzulpena nirea da.]


Metaforen bidezko kontsultak egitea al da irtenbidea? Zergatik ez?

Albisteari azken ukituak ematen ari nintzaiola, Gernikako Arbolari gertatutakoaren berri izan dut. Hona hemen, puska batean, EITB.com-en zer esan duten:

"Gernikako Arbola baldintza berezietan dago. Ontzi batean dago. Beraz, sustraiak ezin ditu hedatu."

Gu ere hasi gara politikari buruz metaforen bidez hitz egiten? Eta gu ere metaforen bidezko kontsultak egiten hasiko bagina?

Gernikako Arbolaren metaforari jarraiki, hau egokia izan liteke, Euskal Herriko esparru juridikoen arteko loturak bultzatzeko: 

Esnearen metafora nazionala probestuz, herritarren nazio atxikimendua zein den galdetu nahi badugu, hau galde dezakegu: "Zer nahiago duzu, Euskal Herria esnea edo España esnea?".

Ion Lizarazu @Ionliz txiolariak mota horretako galdera proposatu du Twitterren:

 Eta horrekin izan dugu zer esana:

Adibidez, Abiadura Handiko Trena diru publikoz finantzatu behar dugun erabakitzeko, zer galdera egin dezakegu? Badakit!

 Zer iruditzen hau: "Osakidetzak/Osasunbideak eiakulazio/isurketa azkarra bultzatu beharko lukeela uste duzu?".

 Bueno, beste batzuk ere bururatu zaizkit. Zuen esku metafora "gai politiko" jakin batekin lotzea.


Pelikulei buruz ere galdetu dezakegu:

Janzkerari buruz ere bai...


Halako galderak proposatzeko, Twiter erabiltzea gomendatzen dizuet. Traolak #badakizu #EHsurrealista. Bururatu zaizu ezer? Hauei bai!


Egiaz edo gezurraz harago, Gora EH surrealista!

 Egiaz edo gezurraz harago, Katxonderstango Errepublika dago: oprimiturik eta deprimiturik gabeko lurraldea.

Martin Kitto
 

Artikulu hau jatorriz Barretartia webgunerako idatzi dut. Barretartian beste hauek ere idatzi ditut:

 - Eta España esnea sortuko balitz?

- Mikel Españan dabil... Eta Miguel Euskal Herrian

- Separatista edo konstituzionalista zara?









Egilea: ordua:
Etiketak: , , , , , , , ,

iruzkinik ez:

Argitaratu iruzkin bat

Harpidetu honetara: Argitaratu iruzkinak (Atom)