Egiaz edo gezurraz harago, Katxonderstango Errepublika dago: deprimiturik eta oprimiturik gabeko lurraldea.

2014/08/03

#kahkaha eta #karkarkar anaikidetuta!


Opor giroan sartuta gauden arren, Katxonderstango Errepublikako seme-alaba kuttunen izendapenak ez du etenik.

Lehenengo eta behin, gogorarazi nahi dugu saria lortzeko hiru baldintzak zein diren:

- Ezohiko gauza bat egitea


- Egindakoa katxondeoz egitea


- Eta barrea eragitea


Horrenbestez, uztaileko Katxonderstango Errepublikako alaba kuttunak TURKIAKO EMAKUME IRRILARIAK dira.

Izan ere, Bulent Arinc Turkiako lehen ministroordeak adierazi zuen emakumezkoek ez dutela jendaurrean barre egin behar. Adierazpenok ustelkeria moralari buruzko diskurtso baten baitan bota zituen.

Horri erantzuteko, Turkiako emakumeak Twitterren eta Instagramen euren argazkiak jarri dituzte. Nola? Bada, barre egiten, jakina!

Twiterren hiru traola hauek ari dira erabiltzen:

- #kahkaha: barrearen onomatopeia turkieraz, euskarazko onomatopeiaren antzekoa.

- #direnkahkaha: erresistentziaren barrea. Irrisistentzia?

- #direnkadin: erresistentzian dabiltzan emakumeak.

Hona hemen Twitterren bildutako irrilari batzuk:








Biba zuek! Nik ere, zuekin bat egin nahian, argazki hau atera diot neure buruari:




Egiaz edo gezurraz harago, Gora irrisistentzia!

Egiaz edo gezurraz harago, Katxonderstango Errepublika dago: oprimiturik eta deprimiturik gabeko lurraldea.

Martin Kitto
 




Artikulu hau gustuko izan baduzu, beste hauek ere irakur/entzun ditzakezu:




iruzkinik ez:

Argitaratu iruzkina