Honatx Kataluniako auziaren irtenbidea: Gora Katalunia surrealista!

Abuztuan ere, Katxonderstango Errepublikako seme-alaba kuttunen izendapena egin dugu.

Dakizuenez, hilaren amaieran hilabeteko seme/alaba kuttuna(k) izendatzen d(it)ugu.

Horretarako, ezinbestean hiru baldintza hauek bete behar dira:

- Ezohiko gauza bat egitea

- Egindakoa katxondeoz egitea

- Eta barrea eragitea

Eta abuztuan oso argi izan dugu zeini eman saria/izendapena: abuztuko Katxonderstango Errepublikako seme kuttuna PERE CARDÚS Kataluniako kazetaria da.

Izan ere, Perek umorean oinarritutako irtenbidea aurkitu dio Kataluniako kontsulta/erreferendum/galdeketa/dena delakoaren auziari. Perek "Tu ja m'entens" formula proposatu du. Nik "Badakizu" erabili dut, kontzeptua ulertzeko.

Hona hemen irtenbidea:

[Kataluniako] Gobernuak edo Parlamentuak kontsulta egin dezake, baina soilik bere eskumenekoak diren gaiei buruz. [..] Hortaz, lege horiekin, ezin duzu zuzenean independentziari buruz galdetu.

[Horren aurrean] "Badakizu" formula erabil dezakegu. [...] Hauxe da ideia: Gobernuaren eskumenekoa den gai bati buruzko kontsulta egitea. Adibidez, erlezaintzari buruzkoa. Gero, adostuko genuke galderen erantzunak abenduaren 12ko akordioaren berdinak izatea. Hau da, galdera hau izan liteke: "Nahi al duzu Gobernuak aurreikusitako neurriak indartzea Asiako liztor harrapakaria hiltzeko?". Eta "Bai" erantzuten baduzu, bigarren galdera: "Nahi al duzu neurri horiek 2014. urtea amaitu aurretik hartzea?". Asiako liztorrari buruzko kontsultaren kanpainan, hipotesi politiko bakoitzak aukera emango luke berea defendatzeko.

[...] Kontsultaren emaitza, juridikoki ez da loteslea, Parlamentuak onartutako kontsulten legearen arabera. Beraz, indarra emango diona emaitza bera izango da. [...] Azken batean, herriaren hitza delako hartu behar da kontuan inkestaren emaitza, eta hori, demokrazia serio batean, loteslea da beti.

Espero dut zutabe hau irakurtzen duenak ulertzea zertan datzan proposamena: jolasa da, hausnarketa eta ausardia bultzatu nahi duen jolasa. Nolanahi ere, nire asmoa ez da atentzioa beste toki batera eramatea edo kontsultaren aldeko indarra moteltzea. Espainiaren iruzurra saihesterik badaukazu, hobeto. Baina desobedientzia zibila saihestezina izan liteke.

Eta hau demokrazia bada, saihestezina izango da". 

 [Pere Cardús, "La fórmula secreta per a esquivar l'embat espanyol i fer la consulta el 9-N", Villaweb, 2014-08-28. 

Jatorrizko testua katalanez dago. Itzulpena nirea da]

Albisteari azken ukituak ematen ari nintzaiola, Gernikako Arbolari gertatutakoaren berri izan dut. Hona hemen, puska batean EITB.com-en zer esan duten:

"Gernikako Arbola baldintza berezietan dago. Ontzi batean dago. Beraz, sustraiak ezin ditu hedatu."

Gu ere hasi gara metaforen bidez hitz egiten? 

Aza da bide bakarra :-) @martin_kitto
— Jule Goikoetxea (@JuleGoi) September 3, 2014

Egiaz edo gezurraz harago, Gora Katalunia surrealista!

Egiaz edo gezurraz harago, Katxonderstango Errepublika dago: oprimiturik eta deprimiturik gabeko lurraldea.

Martin Kitto

Txiokatu Jarraitu @martin_kitto


Oharra: argazkia Pere Cardúsek Twiterreko profilekoa da (@perecardus). Eta berak ere eskertu du artikulua:

Honatx Kataluniako auziaren irtenbidea: Gora Katalunia surrealista! Eskerrik asko @martin_kitto! http://t.co/inqDTAzehY
— Pere Cardús (@perecardus) September 4, 2014

Artikulu hau gustuko izan baduzu, beste hauek ere irakur/entzun ditzakezu:


- #kahkaha eta #karkarkar anaikidetuta! (2014-08-03)

- Apaiz bat izendatu dugu Katxonderstango seme kuttun (2014-05-06)

- Martxoko Katxonderstango seme-alaba kuttunak Durangon daude (2014-04-01)

- Noentiendotarrekin euskaraz (VI): telefonoz ere, irrisistentzia eta pazientzia (2014-02-11)

- 2013ko Katxonderstango seme kuttuna Joxe Rojas da! (2014-01-09)

- Katxonderstango 2012ko seme kuttuna Johnny izan zen (2013-12-23)

- Lukás Nový, zuk irekiko diguzu bidea karnetean txapelarekin ateratzeko (2013-08-28)