Egiaz edo gezurraz harago, Katxonderstango Errepublika dago: deprimiturik eta oprimiturik gabeko lurraldea.

2014/01/21

Txioa, Morauren abestia eta herri umorez armatua

www.reasonwhy.es

Gehienetan, txioek oso bizitza laburra izaten dute: txiokatu, instant batez zer pentsatua eman (edo ez) eta axolagabekeriaren dimentsiora joaten dira. Batez besteko bizi iraupena, 10 bat segundo. Bertxiokatzen badute, beste 10 segundo; eta berriro bertxiokatzen badute, beste 10; eta berriro ere bertxiokatzen badute, beste 10... 

Zenbateko bizi iraupena dute batez beste? Minutu batekoa? Gutxiago esango nuke...

Horregatik, ikaragarria da txio batek behin betiko arrastoa uztea.

Eta hori gertatu da, Twiterren urte hasierako atxiloketak hizpide genituela. Gogoratzen Barne Ministerioak ordu erdi lehenago jakinarazi zuela polizia operazioa? 



Eta goiko txioa abesti bihurtu zen, Andoni Tolosa Morauk erronkari eutsi ziolako:



@martin_kitto-ren probokazio eta Espainiako barne ministerioaren ustezko txio banak beste kanta batekin hastera bultzatu (behartu) naute.


Abestiak "Arma, txio, pum" izena du, behin-behineko bertsioa dugu oraingoz, eta hementxe duzue entzungai:




San Sebastian egunean kalera atera eta polizia operazioan atxilotuetako baten hurbileko senideak jaiaz topera gozatzen ikusten dituzunean, konturatzen zara egia dela: 


HERRI UMOREZ ARMATUA,
INOIZ EZ ZANPATUA

Horregatik dut gustuko Morau, ez bakarrik nire txioa kontuan hartzen duelako.

Egiaz edo gezurraz harago, irrisistentzia dago (made in Fredi Paia).

Egiaz edo gezurraz harago, Katxonderstango Errepublika dago: oprimiturik eta deprimiturik gabeko lurraldea.

Martin Kitto

Hona hemen Morau eta biok elkarren etsai gineneko erreferentzia batzuk:


- Gezurrak ez du garaituko (ohar publikoa) (2013-09-27, Arrainentzako himnoak blogean)


Horrenbestez, Morauri jarraipen estuagoa egiteko, Arrainentzako himnoak bloga eta Twitterreko kontua dituzu: @iamorau. 







iruzkinik ez:

Argitaratu iruzkina